पाल्पामा SEE र +2 उत्कृष्ट विद्यार्थी सम्मान

रमा भण्डारी रामपुर, पाल्पा
प्रकाशित : २०८२ साउन ३० गते १४:२०

साउन २८, रामपुर (पाल्पा) — अनेरास्ववियु पाल्पा जिल्ला कमिटीको आयोजनामा SEE तथा +2 तहमा उत्कृष्ट शैक्षिक नतिजा हासिल गरेका ९८ जना विद्यार्थीलाई विशेष सम्मान गरिएको छ।

साउन २७ गते तानसेनस्थित होटल पौवामा सम्पन्न कार्यक्रममा सहभागी विद्यार्थीलाई प्रमाणपत्र, डायरी, पेन तथा मायाको चिनो प्रदान गरिएको थियो। कार्यक्रममा पाल्पा जिल्लाका विभिन्न माध्यमिक विद्यालयबाट उच्च ग्रेड प्राप्त विद्यार्थीहरूको योगदानलाई सम्मान गर्दै उनीहरूलाई निरन्तर अध्ययन र सामाजिक उत्तरदायित्वमा सक्रिय रहन प्रेरित गरिएको आयोजकले जनाएको छ।

कार्यक्रमका प्रमुख अतिथि अनेरास्ववियु केन्द्रीय सदस्य तथा पाल्पा इन्चार्ज मधुसूदन आचार्यले विद्यार्थीको शैक्षिक उपलब्धिलाई भविष्यको नेतृत्व विकासको आधारका रूपमा लिँदै अनुशासन, अध्ययन र सामाजिक चेतनाको संयोजनले मात्र वास्तविक सफलता प्राप्त गर्न सकिने धारणा व्यक्त गर्नुभयो।

अनेरास्ववियु पाल्पा जिल्ला कमिटी अध्यक्ष सन्देश ढकालको अध्यक्षतामा सम्पन्न कार्यक्रममा विद्यार्थी, अभिभावक, शिक्षक तथा अनेरास्ववियुका विभिन्न तहका पदाधिकारीहरूको उल्लेखनीय उपस्थिति रहेको थियो।

फिचर पोस्ट


प्रकाशित : २०८२ साउन ३० गते १४:२०

Copyright © 2020 Purbakhola Media Pvt. ltd., All Rights Reserved.
Website by: Genesis Web Technology