पाल्पा । सरस्वती माध्यमिक विद्यालय निस्दी-५,गल्धाले ४८ अौं वार्षिकोत्सब एवम् अभिभावक दिवस मनाएको छ ।

विद्यालय व्यवस्थापन समितिका अध्यक्ष पिलेन्द्र ठाडाको अध्यक्षतामा सन्चालन भएको कार्यक्रमको मुख्य पाहुना निस्दी गाउँपालिकाका उपाध्यक्षको तिरन कुमारी श्रेष्ठ रहनुभएको हो । कार्यक्रममा बोल्नु हुदै उपाध्यक्ष श्रेष्ठले विद्यार्थीहरुलाई सफल या असफल बनाउने मुख्य दायित्व मध्ये विद्यालयको पनि महत्त्वपूर्ण भूमिका रहने भएकोले त्यस तर्फ ध्यान पुग्नुपर्ने बताउनुभयो । उहाँले आजको आवश्यकता प्राविधिक शिक्षाको रहेको बताउदै त्यस तर्फ जोड दिनुपर्ने समेत राख्नुभएको छ । कार्यक्रमको विशिष्ट अतिथि वडा न ५ का वडा वडाध्यक्ष दुर्गा वहादुर सोमैले शिक्षक,अभिभावक र विद्यार्थीको त्रिकोणात्मक सम्बन्धले विद्यालयको सर्वाङ्गिण बिकासमा सहयोग पुग्ने बताउनुभयो । विद्यालयका प्रधानाध्यापक सुशील ढकालले सामाजिक तथा आर्थिक प्रगति प्रतिवेदन प्रस्तुत गर्नुभएको थियो । कार्यक्रममा गाउँ कार्यपालिका सदस्य रिकलाल बिक, निवर्तमान वडाध्यक्ष भीम बहादुर बयम्बु लगायतकाले विद्यालयको प्रगतिको र चुनौती बारे बोल्नुभएको थियो । कार्यक्रममा बालबिकास केन्द्र देखि कक्षा १२ सम्मको शैक्षिक नतिजा र अतिरिक्त क्रियाकलापमा उत्कृष्ट विद्यार्थीहरुलाई पुरस्कार वितरण गरिएको थियो । साथै विभिन्न अक्षयकोषहरु अर्जुन एण्ड जीवन सुनचाँदी अक्षयकोष,भूपु विद्यार्थी सम्पर्क मञ्चद्वारा स्थापित हामी संगसंगै साथपनि साथीपनि नामक अक्षयकोष बापतको छात्रवृत्ति समेत प्रदान गरिएको थियो ।

विद्यालयका शिक्षक हरि प्रसाद गौतमले स्वागत मन्तव्य राख्नुभएको कार्यक्रमको सन्चालन शिक्षक गोविन्द गैह्रेले गर्नुभएको हो ।