भैरवस्थानमा सवारी दुर्घटना हुँदा मंगलबार एकजनाको मृत्यु
प्रकाशित : २०७९ पुष ५ गते २०:२०
रिब्दीकोट गाउँपालिका- ४ भैरवस्थानस्थित बाहुन डाँडामा सवारी दुर्घटना हुँदा मंगलबार एकजनाको मृत्यु भएको छ।
मृत्यु हुनेमा सोही गाउँपालिकाको वडा नम्बर ६ ठिमुरेका नरबहादुर गाहा रहेको जिल्ला प्रहरी कार्यालय पाल्पाका सूचना अधिकारी तथा प्रहरी नायब उपरीक्षक वीरेन्द्र थापाले बताए।
तानसेनबाट गुल्मीको रिडीतर्फ जाँदै गरेको लु१ख ९१३४ नम्बरको ट्रकलाई उछिन्ने क्रममा लु ६८ प २०५ नम्बरको मोटरसाइकल ट्रकमा ठोकिएर आज बेलुकी साढे ५ बजे दुर्घटना भएको उनले बताए।
मोटरसाइकलको पछाडि बसेका गाहाको घटनास्थलमै मृत्यु भएको हो। चालकको अवस्था सामान्य छ। घटनाबारे थप अनुसन्धान भइरहेको प्रहरीले जनाएको छ।
प्रकाशित : २०७९ पुष ५ गते २०:२०
Facebook Comment